तामङसे गोदोवा राजनीतिला खाका

चु देशला राजनैतिक लडाइ विवा खालै सैद्धान्तिक वादला हाहिन्वा साम्राज्यवादी ङ्हान्वा बाहुन थेन चु मुलुकला मूलबासी ह्याङ मंगोल न्हाङला हिन्ना टिबेटो भोटिया बर्मिज भाषा सुङवा मंगोल थेन ज्यार्दी बाहुन आर्यन भाषा पाङवा न्हाङला लडाइ हिन्ना । मंगोल वर्ण देन ज्यार्दी बर्ण न्हाङला लडाई हिन्ना । मंगोल हिन्ना हयाङ चु देशला मूलबासी । थेसे लमा मंगोल विवा ह्याङला राजनीतिता सेम न्हाङ ग्याम्सेन साथ पिन्वारी तयार तगै विवा आग्रह स्वीकार ल स्युगो मंगोल तामाङ ज्योज्यो आले नाना आङा आपा आमा ता सेम न्हाङ ग्यामसेन ङ विश्व क्रान्ती तामाङ ला तर्फ ग्याम्से ज्यावा डन्वा मुला ।

ज्यार्दी्र बाहुन छेत्री से तिनी ह्याङला धर्म संस्कृति भाषा म्राङ बु अधिकार राजनितिला साँचो शिक्षा ला अधिकार जम्मन वेन्सी तिनी ह्याङ मंगोल समुदाय दा ङह्ज्याङ दुःखला मरुभुमी न्हाङरी पिल्स्यव लसी थान्वा मुला । जतिन दुःख लसै ह्याङ झन झन कमजोर परिस्थीति तसिनिवा मुला । जागिरला ताम सुङसाम नाम्सा स्तर हेन्से जिल्ला केन्द्रला तह दोना ज्यार्दी जेन मुला तर ह्याङ मंगोल वर्ण ला म्ही आरे चु अवस्था तिनी तिलसी तजी विचार लवा दिन खवा मुला तिनी । जन्म दर्ता ह्राङवा जज गे लवरी नुन ज्यार्दी दा नमस्कार लादोवा मुला ।

ज्यार्दी बाहुन नुन म्ही हिन्ना ह्याङ मंगोल नुन म्ही हिन्ना तर ज्यार्दी से ह्याङदा तिले जज म्ही सोसी थान्वा सेम । वास्तविक ताम सुङसाम ज्यार्दी चु देशला म्ही हाइन थे ज्यार्दी विवा चु देशरी खवा अर्को देश ग्यामसे थे हिन्ना सक्कली जनजाती । अर्को शब्दरी जुन म्हीला दीमनाम थेन देश ला ठेगान आरे थेदा बिमुला जनजाती । ज्यार्दी हिन्दु बाहुन छेत्रीला अनुसार जनजाती विवा बाहुन छेत्री ला पैतला वा नगी हिन्ना । तर तिनी थेनुन ज्यार्दी से ह्याङदा जनजाती विसी मिन थान्वा मुला ।

ह्याङ मंगोल मंगोल मिलदिसी चु जनजाती विवा ज्यार्दी हिन्ना ह्याङ मुलबासी हिन्ना विसीनाम ज्यार्दीदा विरोध लादोवा मुला । तामङ मुलबासी ज्यो ज्यो आले नाना आङ ह्याङला मिन चुङवा अथवा ह्याङ मुलबासी दा जनजाती दोना लवा चु जनजाती महासंघ से जनजातीला फर्म कागज नाम्सा नाम्सरी बसी ह्याङला थर देन मिन भर दिवारी ओङवा मुला । थे फर्म बसी खवा म्हीदा ह्याङसे कारबाही अवश्य लादोला ।

जनजातीला मिन्डी विश्वला खज्युवान देश से सुगा गीक सुतै पैसा आपिन्मुला ह्याङ मुलाबासी दा खवा पैसा झुक्याप लसी जनजातीला मिन्डी खवा विसी वोलावरी ओङवा हिन्ना । जनजाती चु ज्यार्दी तिनी भन्दा ग्यार्ज ङ से च्युइसे सोम ५१३ वर्ष ङच्छ भारत ग्यामसे मुसलमानसे गप्म बेलारी धोती थेन जनई ओन्छी नेपालरी भिरकोट विवा ग्ला ग्यामसे कम्प्युटर री भाइरस ओङवा ह्राङले ओङवा मुवा । जनजाती शब्द थेसेलम् । जनजाती विवा ज्यार्दी ला परिचय हिन्ना । ह्याङ मूलबासीला लागीरी आज्यावा शब्द हिन्ना । विसाम २१ औ शताब्दीरी समय परिवर्तन तसी जिन्वा मुला ।

विश्वला मंगोल समुदाय से विकासला प्रगती ङच्छा दोना लावा मुला तर नेपालला मंगोल ज्यार्दीला लिच्छ ब्रसी खाइमन तिलाई लवारी आखाम्नी । खाइमम काँग्रेस खाइमम एमाले खा। माले खा।राप्रपा दोसी ब्रजी तर देश चलाइ दिवा थेन पैसा ज्यार्दी सेन च्याप चजि । गरिब जनताला विकास लाला विसी माओवादी जनयुद्धरी ११ सै जना तामाङ सहिद दोसी ज्यान खेरो ग्याल्जी । ११ सै तामाङ परिवारला गादे मिख्ली दानदोना ताइवान मुदोला तर तिनी खज्युबुई तामङ देश चलाई दिवारी अवसर अयाङनी । बाहुन सेन देश चलाई दिसी चिवा मुला । ज्यार्दीला लुच्चा फट्टा नाटक च्यावा ग्यात ख्लागो दारेम । ज्यार्दीला लिच्छा ब्रजी विसाम याङदा खाइमन देश चलाइ दिवा पद्री दोना आला । ज्यार्दी से ह्याङदा पिन्वा अवसर विवन थेला अङगरक्षक सिपाइ हवल्दार दोना हिन्ना । ज्यार्दी से च्युउ विमा चिवा निउँ विमा निवा स्यो ङ्येसे सलाम ज्यार्दीता ठोक्दोवा । ह्याङद जज जज पद पिन्छी भुल्यव लसी ह्याङला जीन्दगीला खेलवाड लवमुला फोसुरिन निला जीन्दगी ज्यार्दीला ताम ङ्यान्सी ।

दमा ह्याङ एक तसी मंगोल डेमोक्रेटीक पार्टी न्हाङला कितावला पाना पाना न्हाङला शब्द गोसी चु देश चलाई दिदोवा मुला ह्याङ मंगोल समुदाय जम्मन से । खलाई से जनजातीला फर्म बसी नाम्सा नाम्सारी खजी विसाम थे फर्म डेसी जलाई दिसम तला । थे म्हीदा कारबाही लसम तला । तिनी जनजाती विसी स्वीकार लजी विसम न्हङगर ह्याङ चु देश ख्लासी सुकुम्वासीला स्तर री म्हीला देशरी निदोला । चु सत्य तथ्य आकट्य हिन्ना । तिल्दा विसम जनजाती विवा देश दिम ठेगान आरेबा म्ही हिन्ना विसी ङच्छा सुङसी जिन्वा मुला । थेसे लमा ह्याङला मंगोल आखे मेमे ठुङवा चु देश रीन हिन्ना वा मंगोल ठुङवा देश नुन नेपाल भारत थेन् चिन हिन्ना ।

चु देशरी ठुङवा से लसीन ह्याङ मुलबासी तव हिन्ना । ज्यार्दीला चु देश हाइन । होत्छे लमन दमा ज्यार्दीला लिच्छ ब्रवा ख्लागो मंगोल डेमोक्रेटीक पार्टी न्हाङरी सहयोग सदभाव सेमताम थानस्युगो ह्याङ मंगोल मंगोल गीक तसी मंगोल राष्ट्र घोषणा लादोवा मुला । चु देश ह्याङसेन चलाई दिदोवा मुला । ह्याङला भावी सन्ततीला भविष्य चम्किलो सोतोवा मुला । ह्याङसे मंगोल डेमोक्रेटीक पार्टी दा पिन्वा जज साथ नुन अमुल्य योगदान तवरी खाम्ला ।

-अन्दाज मोक्तान तामाङ