अरबको खाडी भन्दा राम्रो जागिर प्रहरी जवान पदको नयाँ भर्ना खुल्यो

http://www.nepalpolice.gov.np/images/vacancy_result/pc_wanted_2069_07_15.pdf

अरबको खाडिमा काम गर्न जानु भन्द धेरै राम्रो जागिर नेपाल प्रहरीको जवान पदमा नयाँ भर्ना खुलेको सुचना २०६९ कार्तिक १५ गतेको गोर्खापत्र राष्ट्रीय दैनिकमा प्रकाशित भएको छ । देशमा नै बसेर सेवा गर्न इच्छुक साधरण लेख-पढ गर्न सक्ने नेपाली नागरिकहरुले अरबको खाडिमा जानु भन्द नेपाल प्रहरिमा सेवा गर्नु धेरै राम्रो छ । नेपालमा सरकारी बिद्धालयको प्रथामिक सिक्षकहरुको तलब २५ सय नेपाली रुपैयाँ हुँदा खाडी मुलुकमा जाने नेपालीहरुको तलब १०-१५ हजार रुपैयाँ मात्र थियो । अहिले नेपालमा २५ सय रुपैयाँ तलब हुने सिक्षकहरुको तलब १५ हजार रुपैयाँ पुगी सकेको छ तर खाडी मुलुकमा जाने नेपालीको तलब त्यही १०-१५ हजार रुपैयाँ मात्र छ । त्यसकारण खाडी मुलुकमा जानु भन्दा नेपाल प्रहरी, नेपाली सेना  र सिक्षकमा जागिर खानु धेरै राम्रो । 

आजको गोर्खापत्र राष्ट्रीय दैनिकमा प्रकाशित भएको सुचना जस्ताको तस्तै यहाँ प्रकाशित गरेको छु, यो सुचना नेपाल प्रहरीको वेबसाईटमा पनि रहेछ, माथिको लिङ्क हेर्नु होला । 

नेपाल सरकार  

गृह मन्त्रालय
प्रहरी प्रधान कार्यालय 

( मानवश्रोत विकास विभाग, भर्ना तथा छनौट शाखा ) 

नक्साल, काठमाडौं  ।

नयाँ भर्ना सम्बन्धि सूचना !!!

नेपाल प्रहरीमा विभित्र कारणले रिक्त रहेको प्रहरी जवान पदमा खुल्ला प्रतियोगिताद्वारा समावेशी अनुसार पूर्ति गर्नु पर्ने भएकोले देहाय बमोजिमको योग्यता पुगेका नेपाली नागरिकहरुबाट  रु.१०।– को टिकट टाँसी स्वयम् उपस्थित भई दरखास्त आव्हान गरिन्छ ।

१११. आवश्यक माग पद संख्या

 सि.नं.  पद,   समूह संख्या  

१. प्रहरी जवान समावेशी तर्फ ६७५  

      क) ,,    महिला १३५

      ख) ,,   आदिवासी /जनजाति २१६

      ग) ,,   मधेसी १८९

      घ) ,,   दलित १०१

      ङ) ,,   पिछडिएको क्षेत्र ३४

२. खुल्ला तर्फ ८२५  

जम्मा माग संख्या १५ सय

 २. दर्खास्त लिने मिती: २०६९/०७/१६ गते देखि २०६९/०८/१५ गते सम्म ।

३. दर्खास्त फार्म पाइने, बुझाउने स्थान र कार्यालय सम्पर्क नम्बरहरु

क) पूर्व क्षेत्रीय प्रहरी तालिम केन्द्र, रानी विराटनगर ।  ०२१–४३६३७०

ख) मध्ये क्षेत्रीय प्रहरी तालिम केन्द्र, भरतपुर ।  ०५६–५२०९८१

 ग) पश्चिम क्षेत्रीय प्रहरी तालिम केन्द्र, बुटवल ।  ०७१–४३७२२३

घ) मध्ये पश्चिम क्षेत्रीय प्रहरी तालिम केन्द्र, नेपालगंज । ०८१–५५००५१

ङ) सुदुर पश्चिम क्षेत्रीय प्रहरी तालिम केन्द्र, दिपायल ।  ०९४–४४०१७३ 

४. रु.१००।– (एक सय) र एक भन्दा बढी समूहमा दरखास्त दिएमा २०% थप दस्तुर लाग्ने छ ।  

५. शैक्षिक योग्यता नेपाली लेखपढ गर्न राम्रोसंग जानेको ।  

६. उमेर-प्रहरी जवान पदको लागि छनौट हुने सालको बैशाख १ गते १८ वर्ष पुरा भई २३ वर्ष ननाघेको ।  

७. अन्य आवश्यक योग्यताहरु 

क) कुनै नैतिक पतन देखिने फौजदारी अभियोगमा सजाँय नपाएको ।  

ख) राजनीतिमा नलागेको ।

ग) कुनै ध्वंसात्मक संस्थाको सदस्य नभएको वा नरहेको ।  

घ) प्रहरी प्रधान कार्यालयबाट तोकिएको स्वीकृत चिकित्सकबाट निरोगिताको प्रमाणपत्र पाएको (स्वास्थ्य परीक्षण 

दरखास्त दर्ता पछि मात्र गराईने छ) ।  

ङ) आँखा माइनस २ वा प्लस २ भन्दा बढी कमजोर नभएको ।  

च) छाती कम्तीमा नफुलाउँदा ३० र फुलाउँदा ३२ इन्च भएको ।

छ) उचाईः पुरुषको लागि घटिमा ५ फिट २ इन्च र महिलाको लागि घटिमा ५ फिट उचाई भएको ।

८. दर्खास्तसाथ समाबेश गर्नु पर्ने कागजातहरु 

क) शैक्षिक योग्यता, उमेर खुल्ने चारित्रिक प्रमाणपत्र र नेपाली नागरिकताको प्रमाणपत्रको प्रतिलिपिहरुमा उम्मेदवार स्वयमले सक्कल बमोजिम नक्कल ठीक छ भनि दस्तखत गर्नु पर्नेछ ।  

ख) आदिवासी/जनजातिका हकमा नेपाल आदिवासी/जनजाति उत्थान राष्ट्रिय प्रतिष्ठान ऐनमा सूचीकृत भएको जातिको हकमा सोही सूचीको आधारमा, तर नेपाल आदिवासी/जनजाति उत्थान राष्ट्रिय प्रतिष्ठान ऐनमा सूचीकृत भएको जाति भित्र एकभन्दा बढी थरहरु भएमा सम्बन्धित स्थानीय निकायको प्रमुखको सिफारिशमा प्रमुख जिल्ला अधिकारीबाट सूचीकृत भएको जाति भित्रको थर भनी प्रमाणित गराई दरखास्त साथ पेश गर्नु पर्नेछ ।

ग) दलितका हकमा राष्ट्रिय दलित आयोगबाट सूचीकृत भएको जातिको हकमा सोही सूचीको आधारमा, तर, राष्ट्रिय दलित आयोगबाट सूचीकृत भएको जाति भित्र एकभन्दा बढी थरहरु भएमा सम्बन्धित स्थानीय निकायको प्रमुखको सिफारिशमा प्रमुख जिल्ला अधिकारीबाट सूचीकृत भएको जाति भित्रको थर भनी प्रमाणित गराई दरखास्त साथ पेश गर्नु पर्नेछ ।

घ) मधेसीका हकमा नेपाल सरकाले नेपाल राजपत्रमा सूचना प्रकाशन गरी तोके बमोजिमको संस्थाबाट मधेसी भनी प्रमाणित गरेको आधारमा, तर नेपाल राजपत्रमा सूचना प्रकाशन गरी संस्था नतोकेसम्म सम्बन्धित स्थानीय निकायको प्रमुखको सिफारिशमा प्रमुख जिल्ला अधिकारीबाट मधेसी भनी प्रमाणित गराई दरखास्त साथ पेश गर्नु पर्नेछ ।

ङ) पिछडिएको क्षेत्रका लागि अछाम, कालिकोट, जाजरकोट, जुम्ला, डोल्पा, बझाङ, बाजुरा, मुगु र हुम्ला जिल्लामा स्थानीय बासोवास गरी सम्बन्धित जिल्लाबाट नै नागरिकताको प्रमाण-पत्र प्राप्त गरेको तथा सम्बन्धित गाउँ विकास समिति वा नगरपालिकाबाट दरखास्त दिंदाका बखत सम्म सोही स्थानमा स्थायी बसोवास भएको भन्ने सिफारिस गरिएको ।

च) आफुले अध्ययन गरेको अन्तिम शिक्षण संस्था र आफ्नो नातेदार बाहेक अन्य दुई जना प्रतिष्ठित व्यक्तिहरुबाट पाएको राम्रो चरित्रको सक्कल प्रमाणपत्रहरु ।  

९. सम्पर्क मिती तथा स्थान : मिति २०६९/०८/२१ गते सम्बन्धित क्षेत्रीय प्रहरी तालिम केन्द्रहरुमा ।

पुनश्च:
१) हरेक चरणको परीक्षा समाप्ती पछि नतिजा प्रकाशन गरिने छ र उत्तीर्ण उम्मेदवारलाई मात्र अर्को परीक्षामा सम्मिलित गराईनेछ ।  

२) परीक्षा संचालन गर्दा समावेशी तथा खुल्ला तर्फको एउटै परीक्षा संचालन गरिने छ र निजहरुले प्राप्त गरेको अंकको आधारमा समावेशी तर्फका उम्मेदवारहरु बिच मात्र छुट्टा-छुट्टै प्रतिस्पर्धा गराई पद पूर्ति गरिनेछ ।  

३) अन्तर्वार्ता परीक्षाको नतिजा प्रकाशन गर्दा निम्नानुसार क्रममा गरिनेछ ।

क) समावेशी तर्फ  

(अ) महिला, (आ) आदिवासी/जनजाति, (इ) मधेसी, (ई) दलित, (उ) पिछडिएको क्षेत्र

ख) खुल्ला तर्फ   

४) प्रहरी जवान पदमा नियुक्ति पाएपछि प्रहरी प्रधान कार्यालयबाट निर्धारण गरेको पाठ्यक्रम अनुसारको आधारभूत तालिम गर्नु पर्नेछ ।  

५) यो प्रतियोगिता संचालन अवधिभरमा विभिन्न कारणले रिक्त भई नियमानुसार खुल्ला प्रतियोगिताद्वारा लिन मिल्ने सम्बन्धित पदमा समावेशीको आधारमा यसै प्रतियोगिताबाट छनौट गर्न सकिनेछ ।  

६) दरखास्त पेश गर्दा सक्कल प्रमाणपत्रहरु साथमा लिई स्वयम् उपस्थित हुनु पर्नेछ ।  

७) सम्पूर्ण परीक्षाहरु प्रहरी प्रधान कार्यालयले तोकेको ढाँचा बमोजिम सम्बन्धित तालिम केन्द्रहरुबाट संचालन गरिनेछ ।  

मितिः २०६९-०७-१५ गते ।

प्रहरी प्रधान कार्यालय  

मानवश्रोत विकास विभाग

भर्ना तथा छनौट शाखा  

नक्साल, काठमाडौं ।

फोन नम्बर : ०१-४४१४९०६